Gondomar contrata o servizo de control de pragas e prevención da Lexionela

legionela

A CONCELLERÍA DE MEDIO AMBIENTE, DO CONCELLO DE GONDOMAR, CONTRATA O SERVIZO DE CONTROL DE PRAGAS E DE PREVENCIÓN DA LEXIONELA.

Segundo diversos estudos da ONU, no ano 2050 aredor do 70% da poboación mundial vivirá en areas urbanas, fronte ao 54% que o fai actualmente. Son moitos os motivos que levan ás persoas a decidírense por un espazo urbano para vivir; entre outras razóns, poden estar as mellores prestacións sociais, máis oportunidades á hora de encontrar un medio de vida ou, simplemente, maior liberdade individual.

Por sorte, no caso de Gondomar vivir no rural aínda é sinónimo de calidade vida, algo que temos que preservar e mellorar para que o siga sendo por moito tempo. Con todo, nos últimos anos a Vila Gondomar medrou considerablemente e, á nosa escala, esta circunstancia trouxo consigo algúns problemas derivados dese aumento de poboación e de urbanización, ademais dunha climatoloxía favorable, que deron lugar á aparición de pragas de ratas e cascudas nas rúas, nas urbanizacións, nos bloques de edificios… Situacións que en poboacións máis reducidas ou atrasadas pasarían desapercibidas, nunha sociedade moderna coma a nosa feitos deste tipo provocan unha certa alarma cidadá que dende o Concello temos a obriga de resolver por unha cuestión obvia de saúde pública, mais tamén de imaxe.

Esta situación permanente, con rebrotes de maior intensidade nas estacións de bo tempo, víñanse combatendo ata agora con actuacións puntuais de eficacia reducida e elevados custes. Isto vai cambiar definitivamente dende este 1º de Agosto, despois de que por parte do Concello de Gondomar fose adxudicado a través dun contrato administrativo para a prestación dun servizo á empresa con sede en Mos, “KINDLING, Control de Plagas” .

A duración do contrato é dun ano por importe de 17.950.-€, e ademais do control de pragas e desinsectación de todas as rúas da Vila de Gondomar, edificos públicos, dos Colexios do Municipio, incluído o Rural Agrupado e da Pza. De Abastos, inclue tamén o control e prevención da Lexionela en todos os pavillóns, centros deportivos e colexios públicos propiedade o de compentencia municipal onde existen tanques de auga quente.

Con esta contratación, dende a Concellaría de Medio Ambiente estamos convencidos que imos mellorar aínda máis a salubridade da nosa Vila e dos nosos centros publicos: de ensino, deportivos, Pza de Abastos, etc.

Gañando en calidade de vida, en imaxe e aforrando cartos públicos da cidadanía, ademais de lle dar cumprimento aos preceptos legais que actualmente obrigan á prevención da Lexionela.

 

En Gondomar, a 1 de Agosto de 2017.

Asdo.: Antonio Araújo Quintas.

Concelleiro de Urbanismo e Medio Ambiente.

Agosto 5th, 2017

Etiquetas: , , ,

Deixar unha resposta